البت البرشلونة (حلمنتيش)
مهندس/سمؤل أحمد بابكر
الزولة البريدا وبرشلوني عيونا
يا رب العباد أحفظ عيونا وصونا
أنا الخلاني فوق الشاي أسو ليمونه لمن شفتها وعجبتني سمرة لونا
@@@@
وفوقك هيبه زايناكي وعطوفه وحانيه
نسهر نحنا وات عينيكي رايقه وهانيه يا الفي قلبي أولى ومو طلعتي التانيه
واحد عندي عينيكي وهجوم اسبانيا
@@@@
الزوله البريدا وفابريغاسي قواما
دي الوين ما تمش تقع القلوب قداما الخلا القلب صايباهو ديمه سهاما
أقوي دفاع يمين تب ما بقيف قداما
@@@@
والزوله البريدا وفي هواها غرقتا حبها في الدواخل مالي كل الحته ماسكه وسط هواي ومكرباو بي الحته
بتباصي الحنان زي ما بباصي اينيستا
@@@@
والزوله البريدا وريدا تب ما خافي
عشقها لي نضيف دا الديمه صادق وصافي
الخلا الغرام دايرلو وكت إضافي تلعب بالعيون زي ما بيلعب شافي
@@@@
وبغلبني الكلام مهما” أوصف فيها وتشكيلة الغرام دايما” بتلعب فيها منفرده بقليبي ومين بجي بغطيها دي السابت الدفاع كلو بيعاين ليها
@@@@
أربعه في الدفاع عن ريدتا واحساسا واربعه في الوسط هم أهلها وهم ناسا
واتنين في الهجوم بنطلقوا كالرصاصه
هم بتمركزوا وبستنو تلعب باصا
@@@@
والزوله البريدا حريفه هي ومشهوره وجدعات التماس منا بتسوي خطوره أنا الخلاني أهواها وأريدا وادورا قدلتا ميسي بس لمن يجر بالكوره