مرحبتين بلدنا حبابك
الشاعر/ شمس الدين حسن خليفة
مرحبتين بلدنا حبابا حب
اب النيل حباب الغابة
ياها ديارنا نحن اصحابا
نهوى عديلا ونرضى صعابا
**
نعشق شمسها الحراقة
بتلهب في قلوب دفاقة
نحن شعارنا حب وصداقة
للناس الصفات اخلاقة
**
نحن بلدنا بي خيراتا
البلد البتشبها هياتا؟؟
هي حياتنا واحنى حياتا
وما بندور بلاها وحاتا
**
نحن بلادنا نتحدابا
لو ننهض جميع بصلابة
ما بتلقونا تاني غلابة
مرحبتين بلدنا حبابا
**
وبسواعدنا رح نبنيها
وابدا ما بنفرط فيها
لو كان فتنا من واديها
من وين تاني تلقي الجيهة؟
**
في أخلاقنا في عاداتنا
واشراقات تميز زاتنا
نحن حميدة سمحة صفاتنا
من أجدادنا ومن أبواتنا
**
لازم نبقى سمحين سيرة
وطنية وامانة وغيرة
نحن بلدنا لينا نصيرا
ومن غير غيرنا تلقى نصيرا
**
ومن درقا وسيوفا وخيلا
في تاريخا مافي مثيلا..