تفوق الطيور المهاجرة ومؤٱساة مناطق الحرب

الشهادة السودانية

علي أحمد دقاش

 

*اعلنت وزارة التربية والتعليم امس وبعد اعتماد رئيس مجلس السيادة نتيجة الشهادة السودانية المؤجلة  وهي نتيجة مثيرة للحزن تستدعي التحليل واخذ العبرة فالجالسون للامتحان  ١٩٣٨٠٩ طالب وطالبة فقط مقارنة ب ٥١٧٦١٩ طالب وطالبة عام ٢٠١٩

*غاب عن الامتحان عدد كبير من طلاب كردفان ودار فور وهي المناطق المتاثرة بالحرب قالت وزارة التربية والتعليم انهم يشكلون 30 % من الطلاب المؤهلين للجلوس للامتحان.

*بلغت نسبة النجاح 68.5 %

من حيث التفوق نالت الطيور المهاجرة القدح المعلي من مقاعد العشرة الاوائل بما فيهم اول الشهادة التي جلست للامتحان من اسوان وهناك سته اخرين من مدارس الصداقة بالقاهرة والاسكندرية.

*نافست مدارس ابو ذر الكودة بمقعدين هما الثاني والسابع ومدرسة الرازي الخاصةالقضارف إذ نالت المركز الثامن.

*النازحون خارج السودان وخاصة مصر الحبيبة حققوا نجاحا بارزا رغم ظروف النزوح والغربة ونهديهم اغنية حمد الريح حمام الوادي:

حمام الوادي يا راحل

مع النسمة الصباحية

مع الياسمين من الليل

تواصل رابيه منسيه

صغارك مشتهين ترجع تضم العش بحنيه

مش حرام تسيبهم للريح

وانت عارف القساو ما شويه

تقول لي ماشين من بكره

مهاجر لوطن ثاني

مفارق خضرة النيلين

وعشك فايتو وحداني

وطن بالعزه رباني

اهداك جو تعيش فيه

اهداك غيم تطير ليه

وجوه عيونه خلاني

بلادك حلوه ارجع ليها

ودار الغربة ما بترحم

وطوف بجناحك الوادي

تلقى الخضره تنسى الهم

فيها ورد الضفاف الساقيه

ضمه عليك وتنسم

تعال لاهلك الطيبين

ملوك العزه ما بتندم

 *مبرووك للذين حققوا نجاحا رغم الظروف الصعبة وعزاءنا لطلاب مناطق الحروب ونقول لهم صبرا ٱل ياسر.

*سنعود لتحليل نتيجة الشهادة وموقف التعليم عموما