إعلامي سوداني يكشف: حميدتي (بخاف من الإمارات موت)

القاهرة – اصداء سودانية

رفض المتمرد حميدتي عندما كان على السلطة بعد ما تسمى بثورة ديسمبر اعتقال المدعو أسامة داؤود، بتوصية وتحذير من نظام الإمارات، أنه يعمل في مسار و(ما عندك بيه شغلة).

وقال أحد الإعلاميين الثقاة: اذكر ذات مرة تحدث معي مصدر رفيع وقال لي ، المجرم حميدتي جاب كشف فيهو 17 شخص قال يتم القبض عليهم لانهم شغالين في تهريب الذهب.

وقال أ. عادل سنادة في مجموعة (حلقة نقاش): المصدر قال لي، كنت حينها خارج السودان واتصلت على (ناسي لأنه حميدتي لاحقني بالاتصالات، وقلت ليهم رأيكم شنو في الكشف)، جاء ردهم: الـ16 شخص ديل فعلاََ متعاملين في الدهب لكن الزول الـ 17 وهو أسامة داؤود ما عندو علاقة بالمجال ده.

واردف بالقول: مصدري قال لي، اشرت لجماعتي بالقبض على الـ16 والأخير طالما لا ليس له علاقة أتركوه، ولفت إلى أن أسامة داؤود حينما علم بأنه مطلوب (زاغ) ومن فوره اتصل على الإماراتيين الذين بدورهم اتصلوا على المتمرد حميدتي.

تهديد ووعيد إماراتي

وقال سنادة: الإمارتيون قالوا له (يا زول إنت مالك ومال أسامة داؤود، انت شغال في مسار وهو شغال في مسار آخر، وما عندك معاه اي تقاطعات أو علاقة؛ وتاني مرة ما عايزين أي شغل ضد الزول ده!!.

وتابع قائلًا: محدثي قال لي رجعت من سفريتي وطلبت لقاء حميدتي لسبب تكراره الإنصال بي و(عذبني) وانا خارج السودان، وأضاف: قال لي عندما قابلته وبدأت اشرح له اعتقالنا لـ16 شخصًا؛ وجاري البحث عن اسامة داؤود، رد حميدتي: (لا لا خلاص سيبوه لأن الإماراتيين اتصلوا وعملوا معاي مشاكل، وانا ما قدرهم الناس ديل).

وسألني وقتها: (لكن يا جماعة انتو الإماراتيين ديل عرفوا كيف؟)، فقال له: (علمي علمك)؛ لكن اسامة متواصل مع الجماعه ديل.

فجاء رد قائد المتمرد: خلاص فكوا الجماعة الـ16 ديل..

وأوضح الصحفي والإعلامي عادل سنادة، أن مصدره، قال لي حينها: علمت إن حميدتي (يخاف من الإماراتيين موت).