مسدار ضد المسيرات
الشاعر صلاح الزبير (ود مسيخ)
السوداني شيشنتو عالية في المعيار
سبائك المرجلة الما بمرقا الحفار
قول للهدفو ننراع من لهيب وشرار
أضرب ساكت الدهب أصلو داير النار
*****
كلما مسيرة تقول تل بنبقا كتار
نساند جيشنا نحن وياهو ما بننهار
شعباً ما ركع غير للغني القهّار
علي المحنة أم غلائل أمانة مو صبّار
*****
نحن الفيها مو عايشنا زيت ووقود
ونحنا بلدنا بالخير والنعم مزرود
نحنا وطاتنا بي أصناف العيوش بتجود
وكل راس ماله عبادي وتعقبو رعود